​​#Naqıl_maqallardıń_mánileri

Máshaba másh keltirer,
Sıqpan adamdı óltirer.

Máshaba másh benen gúrish, lobıya aralasıp tartılatuǵın awqat. "Másh keltirer" degeni tamaǵıńdı toq etedi degeni. Al sıqpan bolsa, ayırım jaǵdaylarda sol máshabaǵa qosıp pisiriledi. Ol júweri qamırdı suyıq etip iylep, máshaba pisip shamalasqanda barmaqlardıń arasınan qazanǵa sıǵıp jiberiledi. Onıń sıqpan atalıwı da sonnan. Sıqpannıń iriligi barmaqtıń bir buwınına shamalas bolıp, ol tabaqqa quyılǵanda da teginlikte suwımaydı. Sıqpandı máshaba menen birge qosıp urtlap, barǵansha tamaǵı kúygende aytılǵan naqıl.


══════❁✿❁══════

Kanallarımızǵa mirat etemiz🔻

📚 @qaraqalpaq_tilim_qalqanim
📚 @qara_qalpaq_tili
📚 @ana_tilim_qalqanim

#Naqıl_maqallardıń_mánileri

Ulıń jaqsı bolǵansha, keliniń musılman bolsın.

Qartayǵan kempir-ǵarrılardıń kútimi kelinlerdiń moynına qaladı. Sonday da ulıń miyirman bolǵanınıń paydası joq, sebebi ol kóbinese jumısta boladı. Ol joqta kelininen jábir kórgen kempir-ǵarrı urıs bolmasın dep kelininiń qılıǵın jasıradı. Sonıń ushın keliniń jaqsı bolsın degen gáp bul.


══════❁✿❁══════

Kanallarımızǵa mirat etemiz🔻

📚 @qaraqalpaq_tilim_qalqanim
📚 @qara_qalpaq_tili
📚 @ana_tilim_qalqanim

#Naqıl_maqallardıń_mánileri

Shortanıń jaqsı bolsa, Xiywaģa barmas pa edi

Qaraqalpaqlar Xiywa xanına baģınıshlı bolģan zamanda qádirli nárseniń bári Xiywaģa aparılģan. Sonda, balıqlardıń jaqsısı aparılģanda eń pás balıq dep shortandı taslap ketedi eken. Bir ret bir adam maqtanıp:
- Biziń jaqta shortan degen balıq bar, tumawģa em boladı, - degende ekinshi bir adam oģan:
- SHortanıń jaqsı bolsa Xiywaģa barmas pa edi, - degen deydi.
Bul maqal bahasız nárseni jónsiz maqtaģan adamlarģa qaratılıp aytılģan.


══════❁✿❁══════

Kanallarımızǵa mirat etemiz🔻

📚 @qaraqalpaq_tilim_qalqanim
📚 @qara_qalpaq_tili
📚 @ana_tilim_qalqanim

#Naqıl_maqallardıń_mánileri

Qul qashsa Qońırattan tabıladı

Bul maqal qaraqalpaqlarda Xiywa xanına qaraslı bolģan dáwirde payda bolģan. Xiywa menen Qońırat araz bolıp turģan waqıtta Xiywadan sıtılıp qashqan qullar yáki jazalı bolģan adamlar Qońıratqa barıp, ózlerine baspana tapqan. Bul maqal izlegen adamın oylaģan jerden tawıp alģan jaģdaylarda aytıladı.


══════❁✿❁══════

Kanallarımızǵa mirát etemiz🔻

📚 @qaraqalpaq_tilim_qalqanim
📚 @qara_qalpaq_tili
📚 @ana_tilim_qalqanim

#Naqıl_maqallardıń_mánileri

Aspan bir jawsa, terek eki jawadı.

Tábiyatta jamǵır jawıp tınǵannan keyin terektiń japıraǵında irkilip qalǵan jawın tamshıları biraz waqıtqa deyin tamshılap turadı. Bul naqıl bolıp ótken kishkene bir qolaysız jaǵdaydı, ótip ketkennen keyin de dańǵara qılıp, ǵawasat taratıp júrgen adamǵa aytıladı.


══════❁✿❁══════
Kanallarımızǵa mirát etemiz🔻

📚 @qaraqalpaq_tilim_qalqanim
📚 @qara_qalpaq_tili
📚 @ana_tilim_qalqanim

#Naqıl_maqallardıń_mánileri

Bayǵa qul deseń kúlkisi keledi,
Qulǵa qul deseń ólgisi keledi.

Burında qullıq bir insannıń ómirine basılǵan jazıqlılıq tamǵası bolıp, onnan óle-ólgenshe qutıla almaǵan. Ásirese, onıń qul ekenin betine basqanda ólip ketkenine qayıl bolǵan.
Bul naqıl insan balası hesh qanday kemsitiwge kóne almaytuǵının bildiredi.


══════❁✿❁══════
Kanallarımızǵa mirát etemiz🔻

📚 @qaraqalpaq_tilim_qalqanim
📚 @qara_qalpaq_tili
📚 @ana_tilim_qalqanim

#Naqıl_maqallardıń_mánileri

Bekireniń bel kespesin jemegen basım,
Qoydıń sasıq góshine tap boldım.

Bul balıqshınıń qızınıń tilinen aytılǵan. Bekire—balıqlardıń ishindegi eń mazalısı. Al, qoydıń góshinde bolsa qandaydur iyis boladı. Bárha balıq jep júrgen qız, sharwaǵa kelin bolıp túsip, qoydıń góshine tap bolǵanda kúyinip aytqan.
Biraq, bunıń basqasha da mánisi bar, yaǵnıy, kún kóris jaǵdayı burınǵıdan oǵırı tómenlep ketken jaǵdayda da, usı naqılǵa máni berip aytıladı.


══════❁✿❁══════
Kanallarımızǵa mirát etemiz🔻

📚 @qaraqalpaq_tilim_qalqanim
📚 @qara_qalpaq_tili
📚 @ana_tilim_qalqanim

#Naqıl_maqallardıń_mánileri

Bay kiyim alsa, qutlı bolsın deydi,
Jarlı kiyim alsa qaydan aldıń deydi.

Bárqulla jaman-jasqap kiyinip júrgen jarlı taza kiyim kiyse ersikórinetuǵın bolǵan. Sol sıyaqlı birewdiń jetiskenligine mise tutpay qarawshılarǵa juwap retinde usı naqıl qollanıladı.


══════❁✿❁══════
Kanallarımızǵa mirát etemiz🔻

📚 @qaraqalpaq_tilim_qalqanim
📚 @qara_qalpaq_tili
📚 @ana_tilim_qalqanim

#Naqıl_maqallardıń_mánileri

Aldım jaǵadan,
Urdım jambastı,
Qarasam, astında jatırman.

Bul naqıl qolınan kelmeytuǵın iske orınsız aralasa beretuǵın, yamasa shamasın bilmey ójetlikke zor beretuǵın adamlarǵa aytılǵan.


══════❁✿❁══════
Kanallarımızǵa aģza bolıń👇

📚 @qaraqalpaq_tilim_qalqanim
📚 @qara_qalpaq_tili
📚 @ana_tilim_qalqanim

#Naqıl_maqallardıń_mánileri

Bekireniń bel kespesin jemegen basım,
Qoydıń sasıq góshine tap boldım.

Bul balıqshınıń qızınıń tilinen aytılǵan. Bekire — balıqlardıń ishindegi eń mazalısı. Al, qoydıń góshinde bolsa qandaydur iyis boladı. Bárha balıq jep júrgen qız, sharwaǵa kelin bolıp túsip, qoydıń góshine tap bolǵanda kúyinip aytqan.
Biraq, bunıń basqasha da mánisi bar, yaǵnıy, kún kóris jaǵdayı burınǵıdan oǵırı tómenlep ketken jaǵdayda da, usı naqılǵa máni berip aytıladı.


══════❁✿❁══════
Kanallarımızǵa mirát etemiz🔻

📚 @qaraqalpaq_tilim_qalqanim
📚 @qara_qalpaq_tili
📚 @ana_tilim_qalqanim

#naqıl_maqallardıń_mánileri

🔰 Shortanıń jaqsı bolsa, Xiywaǵa barmas pa edi

Qaraqalpaqlar Xiywa xanına baǵınıshlı bolǵan zamanda qádirli nárseniń bári Xiywaǵa aparılǵan. Sonda balıqlardıń jaqsısı aparılǵanda eń pás balıq dep shortandı taslap ketedi eken. Bir ret bir adam maqtanıp:
- Biziń jaqta shortan degen balıq bar, tumawǵa em boladı, - degende ekinshi bir adam oǵan:
- Shortanıń jaqsı bolsa, Xiywaǵa barmas pa edi, - degen deydi.

⚡️Bul maqal bahasız nárseni jónsiz maqtaǵan adamlarǵa qaratılıp aytılǵan.


══════❁✿❁══════

Kanallarımızǵa mirat etemiz🔻

📚 @qaraqalpaq_tilim_qalqanim
📚 @qara_qalpaq_tili
📚 @ana_tilim_qalqanim